Македонија
5. January 2016 - 16:17

Експлозија на плинска боца во Драчево, осум повредени

Осум лица се повредени при две експлозии во куќа во скопската населба Драчево, при монтирање на грејно тело со плинска боца.

Како што потврдија од МВР, според првичните информации, лицата кои се здобиле со повреди од експлозијата се пренесени за укажување лекарска помош во градската болница и во ургентниот центар.

На местото на експлозијата се наоѓаат екипи на брзата помош, противпожарната единица и увидна екипа од МВР.