Екс-македонскиот селектор на клупата на Ц.Звезда

Комитетот за итни прашања на ФК Црвена звезда одлучи до крајот на сезоната екипата да ја води Бошко Ѓуровски, а на клупата на црвено-белите тој ќе го замени Миодраг Божовиќ, кој во понеделник поднесе оставка, објавено е на интернет страницата на клубот.

 

Ѓуровски денеска ќе биде промовиран и ќе го одработи првиот тренинг со тимот, а прв меч ќе му биде реваншот од полуфиналето на Купот со Чукарички.

 

Ова ќе биде вторпат легендата на Црвена звезда да го предводи клубот.

 

Ѓуровски во 2007 година го наследи Душан Бајевиќ и таа пролет со црвено-белите ја освои двојната круна.

 

Ѓуровски за првиот тим на Црвена звезда играше од 1980 до 1989 година, одигра 509 натпревари и постигна 103 гола.