Екологистите го вклучија алармот за Охридското езеро
Екологистите го вклучија алармот, Охридското езеро се спушти на минимално дозволената кота. Лошата хидролошка состојба климатските промени , сушата и несоодветното управување со водните ресурси на најголемото природно Езеро се едни од причините за ваквата состојба. Добрите познавачи стравуваат дека покрај директната закана по растителниот и животинскиот свет доколку продолжи да се намалува водостојот може да дојде и до повлекување на самиот кеј и оштетување на објектите.
Загрижувачка е сликата особено на градскиот кеј каде драстичното повлекување се забележува и со голо око а појавата на зелените алги во овој период од годината се најдобар показател дека езерото трпи поради намалената количина на вода.
Инаку Охридското Езеро иако е на листата на УНЕСКО како светско природно наследство, се уште се третира како акумулација чиј потенцијал се искористува за производство на електрична енергија.
-
Нина Аритоновска
Сите содржини од овој новинар