Еко акција на Тиквешко Езеро
Еко акција на Тиквешкото Езеро реализираше денеска Еколошкото друштво “Еко-живот” од Кавадарци. Ученици од неколку основни училишта и од кавадаречката гимназија, собираа отпад од брегот на вештачката акумулација, втора по големина во државата. Во акцијата се придружија и нуркачи од спелеонуркачкиот клуб “Врело”.
- Целта е да се подигне свеста за значењето на чистата животна средина. За учениците подготвивме исто така и игри, но и награди за највредните во акцијата за собирање на отпад, рече Роберто Паризов, претседател на друштвото.
Паризов нагласи дека и во иднина, како регионален еколошки центар и член на Движењето на екологисти на Македонија, ќе продолжат со вакви и слични активности. Истовремено повика на поголема грижа кон околината. Упати благодарност за поддршката до општината, јавното претпријатие “Комуналец” и компанијата “Кожувчанка”.
По завршувањето на акцијата, учениците испишаа табли со еко пораки, кои беа поставени на повеќе локации во близина на Езерото.
Ново на Сител
-
Вучиќ и ја честита изборната победа на Сиљановска-Давкова
-
Евроамбасадорот Гир ја честита победата на Сиљановска-Давкова
-
Инаугурацијата на новиот претседател треба да биде најдоцна на 12 мај, кога истекува мандатот на Пендаровски
-
Новиот состав на Собранието треба да се конституира најдоцна 20 дена по изборите
-
Битиќи соопшти дека поднесува оставка од функцијата потпретседател на СДСМ
-
Претседателката на ДОМ поднесе оставка
-
Орбан честита на изборната победа на ВМРО-ДПМНЕ и Силјановска-Давкова
-
Гордана Силјановска Давкова победи на претседателските избори