ЕК свикува кризен состанок поради скандалот со јајцата
Европската комисија, извршен орган на Европската унија ќе свика вонреден состанок на министрите во врска со јајцата загадени со инсектициди во настојувањето да се стави крај на обвинувањата и омаловажувањата поради овој скандал, изјави денеска еврокомесарот, задолжен за здравство, Витенис Андриукајитис.
Тој истакна дека сака Холандија, Белгија и Германија да престанат со размена на меѓусебни обвинувања за тоа кој е одговорен за предизвикувањето паника поради фипронилот откриен во јајцата, хемикалија, која може да биде штетна за луѓето.
- Обвинувањата и прозивките нема да не доведат никаде и сакам тоа да престане, рече литванскиот еврокомесар.
- Предложив одржување состанок на високо ниво на надлежните министри и на претставници на агенциите за безбедност на храна на сите држави-членки вклучени во овој проблем, откако на располагање ќе бидат сите факти, рече Андриукајитис.
Контаминирани јајца се пронајдени во најмалку 11 земји-членки на ЕУ, откако на 1 август во јавноста се појави аферата, а милион јајца и производи на база на јајца се повлечени од полиците во супермаркетите ширум Европа.
Ново на Сител
-
Минчев: Очаен обид на Ахмети да ги прикрие распадот на Европскиот фронт
-
Мицкоски очекува стабилна влада во Бугарија со која ќе може да ги продолжи преговорите
-
Стартува изградбата на делницата Гостивар-Букојчани, дел од Коридорот 8
-
СДСМ обвинува за нови нерегуларности во ЈПДП - 40 возила не платиле патарина
-
ВМРО-ДПМНЕ: За еден месец цените на храната и пијалаците намалени за 5%
-
Македонија треба да го развива гастро туризмот
-
Интересот за сместување рапидно расте, но домови за стари лица на истокот нема
-
Преглед на вестите од светот