ЕК: Полска има рок од два месеца да го реши проблемот со правната држава

Европската комисија изрази жалење дека проблемот со почитувањето на правната држава во Полска останува нерешен и и даде на Варшава рок од два месеца да одговори на нови препораки за спорната рефрорма на полскиот Уставен суд.

– Бидејќи за претходните препораки немаше акција, сметаме дека во Полска има траен проблем со правната држава, изјави на прес конференција Франс Тимерманс, заменик претседател на ЕК.

– Одлучивме да упатиме нови препораки кон Владата и да им дадеме два месеца за одговор, нагласи Тимерманс.

Според него, тоа е краен рок за евентуална казнена процедура против Варшава. Заменикот претседател на ЕК рече дека ЕУ нема да се откаже од тоа прашање додека полската Влада не го реши проблемот со независноста на судскиот систем и други прашања кои се сметаат за отстапки од основните човекови права.