ЕК: Малта да не ги затвора своите граници за невакцинираните
Европската комисија сака да ја убеди Малта да се откаже од одлуката да ги затвори своите граници за невакцинираните против Ковид-19, изјави денеска еврокомесарот за правда Дидие Рејндерс.
Малта објави во петокот, како прва таква земја во ЕУ, дека ќе ги затвори своите граници за невакцинираните патници, убедена дека на тој начин ќе го запре новиот бран на инфекција со коронавирус.
Рејндерс потсети дека ЕУ воведе ковид сертификати со кои треба да се усогласат сите земји-членки.
– Имаше две одлуки: сертификатот кој го воведовме и кој им е наметнат на сите европски земји како доказ за состојбата со вашата болест. Покрај тоа, постои и препорака усвоена од сите 27 земји-членки, која поаѓа од идејата дека овој „пасош“ е доволен сам по себе, освен ако не се влоши епидемиолошката состојба, објасни еврокомесарот.
Тој нагласи дека „затоа ќе разговараме со Малта да продолжи да го признава ПЦР тестот. Според процентот на инфекција со делтата сојот, … нормално е да се преземат мерки, тестови и изолација, но не и забрана за патување“.
Малта во петокот најави дека од оваа среда ќе им забрани влез на сите невакцинирани посетители. Негативен тест на Ковид-19 повеќе нема да биде доволен за да се премине границата на овој мал медитерански остров со околу половина милион жители.
Францускиот министер за европски прашања Климент Бон вчера ја нарече одлуката на Малта да не ги признава ПЦР тестовите „спротивна на правилата“.
Ново на Сител
-
Тешка сообраќајна несреќа на патот Струмица-Радовиш
-
Од 42 пожари пет се активни, четири ставени под контрола
-
Полициска акција во Желино: Во ноќен клуб приведени странски државјани
-
Палестинец со нож убил две и повредил уште две други лица во градот Холон, во централен Израел
-
МНР ги повика македонските граѓани веднаш да го напуштат Либан
-
Пожарот во Калифорнија прерасна во четврти најголем во историјата на оваа сојузна држава
-
Трамп му честиташе на Путин за уште една „голема работа“ - ослободување убијци
-
Хезболах ноќеска истрелал 50-тина ракети врз северен Израел, повеќето биле соборени од „Железната купола“