ЕК и даде на Полска рок од три месеци да го преразгледа законот за Уставниот суд
Европската комисија денеска ја повика Полска во следните три месеца да преземе мерки за заштита на надлежностите на Уставниот суд, зголемувајќи го притисокот врз евроскептичната Влада во Варшава во обид да ги задржи демократските норми на ЕУ.
Одлуката доаѓа по неколкуте месеци јалови дипломатски напори откако во октомври минатата година на изборите во Полска победи партијата Право и правда, која веднаш спроведе реформи во Уставниот суд и државните медиуми.
Ова, според Бриксел, може да ја поткопа избалансираноста на полските власти.
Под притисок од ЕУ и САД полскиот Парламент минатата недела го усвои новиот закон за Уставниот суд, но не ја зеде предвид изразената загриженост на Брисел.
- И покрај дијалогот со полските власти, што се водеше од почетокот на годината, ЕК смета дека главните проблеми кои му се закануваат на владеењето на правото во Полска не се решени, изјави заменик претседателот на Европската комисија, Франс Тимерманс.
- Ги повикавме полските власти да дејствуваат за отстранување на оваа систематска закана за владеењето на правото и за три месеци да ја информираат Комисијата за преземените мерки, додаде Тимерманс.
Како што јави ДПА, ова е последниот чекор во досега незабележената процедура на Европската комисија во истрагата за тоа дали Полска ги прекршува основните вредности на ЕУ со реформата на својот Уставен суд. Последната мерка во оваа процедура е одземање на правото на гласање на Полска во ЕУ.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ