ЕК бара од осум членки на ЕУ да преземат мерки против перењето пари
Европската комисија денеска соопшти дека ги повикача Бугарија, Грција, Кипар, Луксембург, Малта, Полска, Романија и Холандија итно да ја вклучат директивата на ЕУ за борба против перењето на пари во своите национални законодавства.
Новите правила на Европската унија ќе ги зајакнат постојаните барања за борба против перењето на пари и финансирањето на тероризмот, се наведува во соопштението.
Сите држави од ЕУ требаше да ја прифатат директивата до 26 јуни годинава.
Посочените осум земји, меѓутоа, не ја известиле Комисијата за преземените мерки за спроведување на европската директива и таа се уште не е вклучена во рамките на националните законодавни процедури.
По дадената можност на земјите да достават мислења како одговор на официјалните писма на ЕК што беа испратени во јули, Брисел сега ги повика осумте држави да ги преземат неопходните мерки за целосно почитување на директивата.
Доколку во текот на следните два месеци тие земји не го усогласат своето законодавство со правото на ЕУ, Комисијата може да се обрати до судот на ЕУ, се наведува во соопштението.
Ново на Сител
-
На Табановце утринава се чека околу 20 минути
-
Облачно и посвежо со локален пороен дожд и грмежи
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава