Ефес го смени Дуда Ивковиќ

Душан Ивковиќ повеќе не е тренер на кошаркатите на Анадолу Ефес, откако претседателот на тимот му врачи отказ по поразот од Фенербахче. Евес во неделата загуби од Фенербахче 73:69.

 

„Бордот на директори на 24. април реши да ја раскине соработката со Душан Ивковиќ. Сакаме да му се заблагодариме за сé што направи за клубот и му посакуваме успех во понатамошната кариера“, стои во соопштението објавено на клупската интернет страница.

 

Ивковиќ Ефес го презеде во јуни 2014 година, кога потпиша двегодишен договор. Ефес оваа сезона не успеа да се пласира во четвртфиналето во Евролигата, додека во турското првенство се наоѓа на првото место со два бода повеќе од Фенербахче.