Едукативна кампања за управување со отпад за најмладите во Ресен
Во организација на „Нула отпад", „Пакомак", Општина Ресен, основните училишта и детската градинка денеска во Ресен се одржа едукативна кампања за управување со отпад наменета за најмладите.
За учениците од прво до петто оделение беше реализирана театарска претстава „Зелена планета" со која имаа можност да се запознаат со придобивките од рециклирање и правилен третман на отпадот. Во детската градинка „11 Септември“ беа прикажани цртани филмови за запознавање на дечињата со правилниот пристап кон селекција и рециклирање на отпадот.
Претставникот од „Нула отпад“ Марјанчо Дамески потенцира дека децата се нашите амбасадори и движечки фактор за промена на навиките и кај возрасните.
- Се надеваме дека „Зелена планета“ ќе остави голем впечаток врз децата и своите импресии ќе ги пренесат кај семејствата, истакна Дамески.
Двете основни училишта во Ресен и Детската градинка добија садови за собирање отпадни батерии.
Ново на Сител
-
40-годишник од Скопје пијан ја тепал и гризел сопствената мајка
-
КЛ: Противници од Сан Марино, Белорусија и Црна Гора за Вардар, Работнички и Силекс
-
Сиљановска – Давкова: Во моментов нема поважна политика од политиката на проширувањето на ЕУ
-
Градското собрание на Лос Анџелес осветлено во боите на македонското знаме во сеќавање на жртвите од трагедијата во Кочани
-
Тешко повреден 43-годишник од Србија, со мотоцикл изгубил контрола и паднал на коловозот
-
При ископ во с.Калишта, струшко била пронајдена артилериска граната 105 мм со потекло од Првата светска војна
-
Приведени две лица од Бугарија на ГП Табановце, при гранички проверки пронајдена е дрога
-
50-годишна скопјанка пријавила дека била следена и вознемирувана на социјална мрежа од нејзиниот сосед