Едно лице потешко повредено на новите блокади на Жолтите елеци
При еден од бројните собири на Жолтите елеци денеска во Сен-Аволд, источна Франција едно лице е повредено од автомобил откако возачот се обидел да ја помине барикадата поставена од демонстрантите, јави дописникот на МИА.
Повредениот е хоспитализиран, додека возачот е приведен. По првите масовни манифестации и блокади кои почнаа на 17 ноември 2018 година, секоја сабота во Франција протестираат приврзаниците на движењето Жолти елеци. По слабата мобилизација изминативе неколку саботи, организаторите најавија враќање на стариот метод – блокадите. На повеќе места во Франција денеска има блокади најчесто на пристапите до трговските зони или на автопатиштата и значајните патни правци. Така во Сан Мало, повеќе стотици автомобили кои требаше да патуваат со ферибот за Велика Британија се блокирани на влезот од пристаништето.. Инаку од почетокот на демонстрациите на Жолтите елеци загинаа 11 луѓе, а повредени се повеќе стотици лица како кај демонстрантите, така и кај силите на редот.
Ново на Сител
-
Излезноста до 17 часот е 44,18 отсто
-
Во општина Гостивар гласале над 20 илјади граѓани
-
До 15 часот во Велес излезеноста 38,93 отсто, во Чашка 37, а во Градско 41,64
-
МВР: Регистрирани пет нови инциденти при гласање ширум државата
-
Оваа година поголем одзив до 15 часот во споредба со 2019
-
Излезеноста во Куманово до 15 часот 33 проценти, во Липково 25, во Старо Нагоричане 35
-
Излезеноста на изборите до 15 часот во Дебар 22, во Центар Жупа 13,11 отсто
-
Во Новаци гласале повеќе од половина жители, најмала излезност во Центар Жупа