Едно и полгодишно дете паднало во базен во прилепско, пронајдено бесвест од неговите родители

Синоќа, околу 20.30 часот, во полициската станица во Прилеп, од страна на доктор од Општата болница „Борка Талески“ било пријавено дека кај нив било донесено едно и полгодишно дете.

Според неговите родители С. И. и Б. Т. од село Заполжани, општина Долнени, тие го пронашле детето во базенот во нивниот двор во бесвест.

На детето му е укажана помош во прилепската болница по што е пренесено во Клиничкиот центар „Мајка Тереза“ во Скопје. Се преземаат мерки за расчистување на случајот.