Македонија
4. December 2019 - 16:23

Една жртва во пожар во барака во Трнодол

Во пожарот што попладнево избувна во барака во скопската населба Трнодол има една жртва. Телото е пронајдено при расчистување на остатоците од пожарот.

– Пожарот е изгаснат пред околу 20 минути. Дел од пожарникарите кои останаа на терен да го расчистат теренот го пронајдоа телото, изјави командантот на Територијалната противпожарна единица на Град Скопје Владимир Симоновски во изјава за МИА.

Пожарот беше пријавен во 14 часот, а Противпожарната единица на Град Скопје интервенираше со пет возила и 14 пожарникари.

Причините за настанување на пожарот ќе бидат познати по извршениот увид.