Една жена загина при напад со мачета во Германија

Едно лице загина, а две се потешко повредени при напад со мачета што се случил попладнево во покраината Баден Виртенберг, јави дописникот на МИА од Берлин.

Според локалната полиција во нападот во близина на продавница за донер ќебап во градот Ројтлинген загина една жена, а двајца мажи се пренесени во болница со исеченици.

Напаѓачот е веднаш уапсен а полицијата сеуште не открива кои се можните мотиви за нападот.

Полицијата нема информации дали напаѓачот имал поддршка од други луѓе.