Една Гркинка повредена во нападот во Барселона

Една државјанка на Грција е повредена во вчерашниот терористички напад во Барселона, соопшти грчкото МНР повикувајќи се на информации од шпанските власти.

„Според досегашните официјални информации од шпанските власти, меѓу повредените има еден грчки државјанин“, соопшти Министерството додавајќи дека грчката Амбасада во Мадрид и конзулатот во Барселона се во постојан контакт со шпанските власти.

Во вчерашниот напад во Барселона загинаа 13, а повредени се 100 лица.