Eден месец се борела за живот: Родилка од Битола починала од сепса

Триесет и едногодишна битолчанка починала пред три дена од компликации после породувањето од пред шест недели, а веќе еден месец се борела за живот.

Бебето е добро и има 40 дена, а нејзе, само после две недели од породувањето, состојбата и се влошила, имала висока температура, болки во стомакот, низок притисок, и плус била дијабетичар.

На социјалните мрежи има информации дека лекарите во Битола ја лекувале од стомачен вирус сè додека пред неколу дена не ја донесе на скопските клиники, на одделот Карил, каде починала од сепса.

Преземени се сите потребни мерки од страна на здравствениот кадар во нашата установа во врска со пациентката што почина од сепса, велат денеска од Клиничката болница „Д-рТрифун Пановски“ од Битола.

„При давањето здравствени услуги на конкретната пациентка, постапено е по сите медицински протоколи и комплетно е спроведена медицина базирана на докази, што значи дека во овој случај се преземени се сите потребни мерки од страна на здравствениот кадар во нашата установа“, се наведува во изјавата од Болницата.