Македонија
23. August 2016 - 16:18

ДЗС се повлекува од поплавениот регион

Дирекцијата за заштита и спасување  денеска ги повлекува сите 96 камиони и багери кои беа ангажирани во расчистување на поплавение подрачја изјави на денешната прес конференција директорот Шабан Салиу.

Со учество на 3.400 вработени исчистени и тампонирани се 71 улица со вкупна должина од 15.700 метри, а исчистени се канали и речни корита во должина од 8,6 километри.

Преку Дирекцијата за заштита и спасување  ангажирани биле 19 фирми кои со нивната механизација помогнале во расчистување на поплавените региони.

Салиу искажа благодарност  и на државите кои донираа помош од технички средства, пумпи за испумпување на вода, агрегати, кревети за спиење, душеци, средства за дезинфекција, а најави дека се очекува да пристигне и дополнителна помош преку системот за Цивилна заштита на Европската унија.