ДЗС ќе информира за активностите во Тетовско

Дирекцијата за заштита и спасување денеска на прес-конференција ќе информира за активностите во врска со справувањето со последиците од поплавите во Тетовско.

Како што соопшти ДЗС, директорот на Дирекцијата Шабан Салиу ќе се осврне и на заклучокот на Владата од 4 август, да се активира Механизмот за цивилна заштита на ЕУ.

Република Македонија преку ДЗС од 2012 година е членка на овој Механизам, кој овозможува координација на целокупната помош која доаѓа од ЕУ во случај на природни непогоди и други несреќи.