ДЗС и Народна Банка потпишаа договор за соработка и размена на податоци
Во насока на зајакнување на координативната улога на ДЗС во државната статистика, постигнувањето висок квалитет и конзистентност на официјалните статистички податоци и намалување на трошоците за спроведување на статистичките истражувања, а во согласност со одредбите на Законот за државната статистика, денес, во име на институциите, директорот на Државниот заводот за статистика, д-р Дејан Станков и гувернерката на Народната банка, д-р Анита Ангеловска-Бежоска, го потпишаа Договорот за соработка и размена на податоци и публикациски материјали.
Со новосклучениот договор се проширува опфатот на податоци коишто се разменуваат, се олеснува и осовременува начинот на таа размена, истовремено се скусуваат и роковите за доставување на податоци. Сето ова е во насока на исполнување на статистичките барања на европските и меѓународните институции и продукција на квалитетни, веродостојни и навремени статистички податоци.
Овој Договор претставува чекор понапред во зајакнувањето на националниот статистички систем и производството на официјални статистички податоци како и подобрување на квалитетот и конзистентноста на макроекономските статистики со цел постигнување на стандардите на европскиот статистички систем. Квалитетната статистика е клучна за процесот на носење добри одлуки и за водењето здрави економски политики. Оттаму, постоењето на функционален статистички систем и соработката помеѓу институциите од тој систем, е од суштинско значење за формулирање на јавните политики, но и носењето на деловни одлуки од приватниот сектор.
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата