Џозеф: Ципрас и Заев заслужуваат Нобелова награда за мир
Во текст објавен во американскиот „Форин Полиси“, професорот Едвард Џозеф предлага премиерите на Македонија и Грција да се номинираат за Нобелова награда за мир поради договорот за името.
Џозеф смета дека договорот „создава модел за справување со идентитетските судири кои водат до конфликт, не само на Балканот, туку глобално“, како и дека носи зголемена доверба во Европската Унија и „целосниот западен проект“ на Балканот.
Професорот потсетува и на бурната историја на Македонија со соседите, кои иако декларативно ја признаваат, сепак на еден или друг начин, го негираат нејзиниот идентитет – јазикот од Бугарија, црквата од Србија и целокупниот идентитет од страна на Грција. Текстот потсетува и на тензиите со албанската етничка заедница во 2001 кои доведоа до промени во Уставот.
Џозеф им објаснува на своите читатели како Грција повеќе од десет години ја блокирала Македонија во НАТО и ЕУ, зголемувајќи ги тензиите во земјата.
Затоа, вели професорот, визијата на Алексис Ципрас е „извонредна“.
- За разлика од речиси сите негови претходници, Ципрас разбра каква е предноста да се ослободи Грција од непотребен товар во односите со ЕУ и НАТО, како и со својот сосед. Второ, Ципрас виде прилика во доаѓањето на власт на неговиот колега реформист во Скопје, Заев, вели Џозеф.
Според него, договорот е удар за Москва и за, како што вели, анти естаблишмент популистите во Европа.
Џозеф истакнува дека со влезот на Македонија во НАТО, границите на земјата се обезбедуваат, комплицирајќи ги аспирациите на оние кои имаат претензии кон Косово. Професорот верува дека договорот ќе има влијание и врз НАТО аспирациите на Босна, и би го ослабил руското влијание во Србија.
- За антагонистите низ светот заглавени во идентитетски спорови, договорот помеѓу Македонија и Грција, доколку ги преживее политичките предизвици, претставува модел, оценува професорот Џозеф.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово