Џорџ Патаки се повлекува од трката за претседател на САД

Поранешниот гувернер на американската сојузна држава Њујорк, Џорџ Патаки планира да се повлече од трката за републиканската номинација за кандидат за претседател на САД на изборите во 2016 година, објави „Бостон Глоуб“.

Според весникот, Патаки ваквите свои планови ги обелоденил на средба со група негови приврзаници.

Изборниот штаб на Патаки соопшти дека во текот на денов тој ќе излезе со официјлна изјава, без да ја прецизира нејзината содржани.

Според анкетите на јавното мислење објавени во текот на декември, Патаки ужива околу еден отсто доверба на републиканските гласачи.