Џорџ Озборн: Британската и германската економија се „срцето на ЕУ“
Британскиот министер за финансии Џорџ Озборн изјави дека економиите на Велика Британија и на Германија претставуваат „срце и мотор“ на ЕУ, за обезбедувањето економски раст и за отворањето нови работни места.
- Британија и Германија, заедно, претставуваат трета економија во светот, после САД и Кина, а по завршувањето на кризата, ние остваруваме две третини од растот на ЕУ, рекол министерот Озборн.
Тој смета дека мора да се продолжи со намалувањети на долгот и да се потикне продуктивноста, но дека за тоа е потребна една силна ЕУ, подготвена да одговори на сегашните предизвици и која дејствува за доброто на сите 28 земји-членки.
Според Озборн, британските барања за нови преговори меѓу Лондон и Брисел се покренуваат за да се остварат ваквите цели, па затоа британската влада настојува да разговара со сите партнери во Унијата.
Озборн попладнево пристигнува во Берлин, во посета на Германија, а вечерва е предвидена работна вечера со германскиот министер за финансии Волфганг Шојбле.
Британскиот министер утре ќе зборува пред бизнис лидерите во седиштето на германската трговска комора.
Престојот на Озборн во Германија е обид на владата во Лондон да ги објасни „од прва рака“ деталите за британските барања за промени ви клучните сектори на ЕУ.
Британија настојува да ги подобри и да ги зацврсти своите односи со Германија, затоа што во Лондон се оценува дека обезбедувањето германска поддршка има витално значење за британските планови во врска со Унијата.
Првата дебата во ЕУ за британските барања, се очекува на Самитот на Унијата во средината на декември во Брисел.
Во мај годинава, германската трговска комора предупреди дека излегувањето на Велика Британија од ЕУ би претставувало „катастрофа“ за двете земји.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници