Џамбаски во коментар кај Заев: Делчев е Бугарин - Мицкоски одговори: ВМРО е Македонија а Делчев Македонец
Бугарскиот европратеник Ангел Џамбаски на роденденот на револуционерот Гоце Делчев го провоцираше премиерот Зоран Заев на Фејсбук. На објавата на Заев по повод роденденот, Џамбаски напиша коментар во кој вели дека Делчев бил Бугарин.
-Зоран Заев, јавно пак ќе треба да напоменам дека „македонската“ револуционерна организација е бугарска. Според првиот Устав името на револуционерната организација е Бугарско македонско-одрински револуционерни комитети (БМОРК). Бугарски, Зоране, Бугарски, Заев. А Георги (Гоце) Николов Делчев, роден во бугарско семејство, во бугарскиот град Кукуш сам себеси се определил како бугарски учител, бугарски офицер, бугарски револуционер, бугарски војвода во бугарската револуционерна организација, напуша Џамбаски во коментар.
Меѓутоа, одговор на оваа провокација не доби од премиерот, туку од лидерот на опозицијата, Христијан Мицкоски.
-Бидејќи гледам дека премиерот Заев реши да не го брани македонските интереси јас ќе одговорам дека ВМРО е Македонија, а Гоце Делчев Македонец и тоа еден од најсветлите ликови во Македонија, му одговори Мицкоски.
Во објавата на Заев, тој напиша дека Делчев бил двигател на македонската револуционерна органзација и секогаш повикувал на сплотеност во политичките предизвици.
-Денеска, 4 февруари, на денот на раѓањето на великанот и инспираторот на македонското национално револуционерно дело – Гоце Делчев, се сеќаваме и оддаваме почит на неговиот историски придонес во создавањето на македонската државност. Како инспиратор и двигател на македонската револуционерна организација, Гоце Делчев секогаш повикуваше на единство и сплотеност во политичките предизвици пред кои е исправена земјата од сите општествени чинители и граѓани, без разлика на нивната верска, етничка или политичка припадност. Идеалите и заложбите на овој великан се наша заедничка обврска да продолжиме да ја градиме државата како демократска и економски напредна земја, која денеска е дел од најмоќниот воено-безбедносен сојуз НАТО и земја која чекори кон членство во ЕУ, напиша Заев на ФБ.
Ново на Сител
-
Портокалов метео аларм во Шпанија, повторно се очекуваат обилни дождови
-
Протест пред обвинителството во Нови Сад: Граѓаните бараат ослободување на активистите
-
Во Италија вратена и втората група мигранти од кампот Ѓадр во Албанија, но и дел од вработените
-
Муцунски: На седумте амбасадори им завршува мандатот, во моментов течат консултации и наскоро ќе почне процес на именување нови амбасадори
-
Мерц: Избори во февруари e добро решение
-
Дарио Ивановски е спортист на годината, награди и за легендарните Хаџиевски и Радиќ
-
Маж избодел две девојчиња и двајца мажи, случајни минувачи во Урошевац
-
Кина: Возач намерно удри со автомобилот во толпа, загинаа 35 лица