Џафери во Брисел на средби со Хан, Могерини, Тајани и европратеници
Кабинетот на претседателот на македонскиот Парламент соопшти дека „на покана на високи претставници на ЕУ и на Европскиот парламент, претседателот на Собранието Талат Џафери денеска е во Брисел во прва официјална посета на седиштето на Европската унија“.
Според агендата објавена од кабинетот, Џафери ќе се сретне со комесарот за добрососедска политика и проширување Јоханес Хан, со високата претставничка за надворешни работи и безбедносна политика на Европската Унија Федерика Могерини, со претседателот на ЕП Антонио Тајани, како и со европратениците Иво Вајгл, Едуард Кукан и Кнут Флекенштајн.
Како што се наведува во соопштението, на средбите Џафери уште еднаш ќе ја реафирмира определбата на Македонија за полноправно членство во Европската Унија, како и улогата на Парламентот во тие процеси.
- Исто така Џафери ќе ги запознае своите соговорници со состојбите кај нас, со посебен акцент на продолжување на процесот на формирањето на новата влада како израз на парламентарното мнозинство, кое произлегува од волјата на граѓаните на Република Македонија изразена на парламентарните избори во декември минатата година, се наведува во соопштението од кабинетот на претседателот на Собранието на Република Македонија.
Ново на Сител
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка
-
Архиепископот Охридски и Македонски г.г. Стефан чиноначалствуваше со литургијата во Стоби по повод 1700 од Првиот вселенски собор
-
Падна кран во Битола
-
ОЈО бара Арсовска да им презентира докази