Џаф: Мосул го напуштиле 26.000 жители

Во последните десет дена откако ирачките безбедносни сили почнаа голема офанзива за протерување на припадниците на Исламска држава (ИД) од Мосул, 26.000 Ирачани ги напуштија домовите од западниот дел на градот, изјави денеска ирачкиот министер за раселени лица Џасем Мохамад ал Џаф.

Обединети нации вчера соопштија дека околу 8.000 лица го напуштиле западен Мосул и околината откако почна офанзивата против ИД.

Офанзивата почна на 19 февруари, речиси еден месец откако ирачките сили ги потиснаа припадниицте на ИД од источниот дел на градот.

Според ОН, ирачката армија почнала да навлегла во погусто населените реони на западен Мосул.