Двоглав орел на претседателскиот печат на Трамп
Член на конзервативна американска група доби отказ откако на студентски собир, на кој се обрати американскиот претседател Доналд Трамп, преку проектор емитуваше изменета верзија на претседателскиот печат, на кој наместо едноглав има двоглав орел, сличен како оној на руското знаме.
Би-Би-Си потсетува дека двоглав орел има и на знамињата на Србија, Албанија и Црна Гора, но оценува дека наведената верзија на печатот најверојатно се однесува на Русија, имајќи предвид дека мандатот на Трамп го одбележаа односите со Москва и претседателот Владимир Путин.
Тоа, меѓутоа не е единствена разлика во однос на оригиналната американска верзија – наместо орелот да држи 13 стрели, кои ги претставуваат 13 –те првобитни држави, во неговите канџи има палки за голф, омилениот спорт на Трамп.
Исто така наместо маслиново гранче, во десната канџа орелот држи пари.
Претставник на групата „Турнинг Поинт УСА“ за „Вашингтон пост“ изјави дека се работи за грешка која настанала поради забрзано пребарување преку интернет.
Инцидентот се случил кога американскиот претседател се качил на бината, откако било емитувано 12-минутно видео за патот на Трамп кон Белата куќа.
Ново на Сител
-
Трамп: Иран мора да се откаже од нуклеарното оружје или да се соочи со воен одговор
-
Унгарскиот парламент усвои уставен амандман за забрана на јавните ЛГБТКју+ активности
-
Премиерот Мицкоски се сретна со претседателот на ОАЕ шеикот Мухамед Бин Зајед Ал-Нахјан
-
Калас: Западниот Балкан е во Европа и местото му е во ЕУ
-
Со последните напади Русија јасно покажа дека не сака мир, порача Калас
-
Намален бројот на населението во Јапонија, за една година 550.000 луѓе помалку
-
Трамп ги обвини Бајден и Зеленски за војната во Украина
-
На ГП Табановце викендов влез и излез оствариле скоро 37 000 македонски државјани