Две лица загинаа во воздушен напад на Киев
Две лица, маж и дете, загинаа во текот на претходната ноќ во воздушен напад врз Киев, соопштија утрово украинските спасувачки служби.
Три лица, пак, се тешко повредени откако урнатини паднале врз станбена зграда во источното предградие на Киев, соопшти спасувачката служба.
Голем дел од земјата во текот на ноќта беше под воздушна тревога, особено Киев, каде доцна синоќа се слушнаа првите експлозии.
Претходните денови се стравуваше од можен руски воздушен напад врз Киев како одговор на упадот, кој се уште трае, во руската област Курск, северно од главниот град на Украина.
Украинските власти, за да се заштитат, бараат од западните сојузници да им обезбедат повеќе системи за противвоздушна одбрана.
Од руска страна, гувернерот Алексеј Смирнов посочи дека 13 лица се повредени во текот на ноќта во Курск, меѓу кои две потешко, кога врз зграда паднале остатоци од украински проектил соборен во текот на ноќта.
Властите во руската област Белгород, северно од Харков, исто така известија за напад од украинско беспилотно летало, без извештаи за жртви.
Ново на Сител
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих
-
Промовирана мобилна апликација за зајакнување на полицијата во постапување на случаи на родово базирано и семејно насилство
-
Нормализиран сообраќајот на патот Штип-Кочани
-
Пронајдена дрога при претрес во Прилеп, приведено едно лице