Две бараки зафатени со пожар во Драчево, нема повредени

Две бараки на ул. „Бранко Заревски“ во Драчево вечерва биле зафатени со пожар, кој по интервенција на Бригадата за противпожарна заштита на Град Скопје е локализиран.

- Нема повредени во пожарат,  а причинета е материјална штета. Се работи на расчитување на теренот, изјави за МИА Звонко Томевски, командир на БППЗ на Град Скопје. 

Интервенирано е со 25 пожарникари и девет противпожарни возила.

Според информациите на Центарот за управување со кризи, пожарот избувнал на   кровна конструкција од барака на ул. „Бранко Заревски“ во Драчево.