Двајца тешко повредени во страотна сообраќајна несреќа на патот Македонска Каменица - Делчево

Ноќеска вo 00.05 часот на магистралниот пат Македонска Каменица – Делчево дошло до судир помеѓу патничко возило „Застава 125“ со штипски регистарски ознаки, управувано од В.П. (39) од Делчево, и патничко возило „Шкода“ со регистарски ознаки од Македонска Каменица, управувано од А.Л. (25) од Македонска Каменица.

Од судирот со тешки телесни повреди се здобил возачот на возилото „Застава 125“ и сопатникот И.Н.(40) од Делчево.

Тие биле препратени во Комплекс клиники „Мајка Тереза“ Скопје. Возачот на возилото „Шкода“ и сопатникот Ѓ.С. (25) од Македонска Каменица се здобиле со телесни повреди. 

Увид на местото на настанот извршила екипа на Полициската станица Делчево.