Двајца тешко повредени во сообраќајка на патот Карбинци - Штип

На регионалниот пат Карбинци - Штип вчера во 16.35 часот се случила сообраќајна незгода помеѓу патничко возило „фолксваген голф“ со штипски регистерски ознаки управувано од В.М.(26) од Штип и патничко возило „сеат толедо“ со штипски регистерски ознаки управувано од Ц.Н.(42) од Пробиштип.

Во незгодата со тешки телесни повреди се здобиле возачот и сопатничката во „сеат толедо“ К.Г. (61) при што со возило на Итната медицинска помош биле пренесени во Клиничкиот центар-Штип каде им била укажана лекарска помош и биле задржани на понатамошно лекување. Поради сериозноста на повредите Ц.Н. бил пренесен во Клиничкиот центар-Скопје.

Увид на местото на настанот извршила увидна екипа од СВР-Штип и се работи на целосно расчистување на случајот.