Двајца Сиријци обвинети за трговија со луѓе во Бугарија

Јавното обвинителство од градот Свиленград во јужна Бугарија по скратена постапка покрена обвиненија за трговија со луѓе против двајца државјани на Сирија.

Како што јави БТА, двајцата Сиријци, кои имале дозволи за престој во Велика Британија, биле уапсени при влез во Бугарија од турска територија на преминот „Капитан Андреево“, во придружба на 25-годишна девојка.

Тројцата патници биле задржани откако бугарската полиција утврдила дека пасошот што го покажала девојката по потекло од Ирак и припаѓа на друга жена и дека таа се обидела да влезе во Бугарија со туѓ пасош.