Двајца обвинети за разбојништво врз мигранти
Надлежен јавен обвинител од Основното јавно обвинителство Скопје поднесе обвинителен акт против две лица од вкупно петмина за кои имаше донесено наредба за спроведување истражна постапка поради сомнение дека како соизвршители сториле кривично дело разбојништво.
Двајцата обвинети кои се опфатени со обвинението на 28 – ми јуни во село Трубарево, се појаснува во денешното соопштение од ЈО, во непосредна близина на една бензинска станица, нападнале двајца мигранти од Пакистан.
– Тие ги забележале мигрантите и им понудиле да ги превезат до граничниот премин Табановце за 200 евра. Откако оштетените се согласиле со сумата, ги намамиле и ги однеле во затемнетиот дел на една од блиските ниви, со употреба на физичка сила ги совладале и им одзеле пари и други подвижни предмети во вкупна вредност од 75.000 денари, се појаснува во соопштението.
Заедно со поднесувањето на обвинението, јавниот обвинител до Основниот кривичен суд – Скопје достави и предлог за продолжување на мерката притвор за двајцата обвинети.
За тројцата кои беа осомничени и опфатени со наредбата за спроведување истражна постапка, обвинителството по завршување на истражната постапка утврдило дека нема докази за сторено кривично дело, па затоа е донесена маредба за запирање на истражна постапка.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите