Двајца бунтовници од ФАРК убиени во престрелка со колумбиските сили за безбедност

Двајца бунтовници од Револуционерните вооружени сили на Колумбија (ФАРК) беа убиени во престрелка со силите за безбедност во департментот Боливар, откако ја напуштиле определената зона за носење оружје.

Армијата соопшти дека бунтовниците изнудувале луѓе во регионот, Друг член на ФАРК им се предал на властите. 

Ова е првиот случај на нарушување на прекинот на огнот, договорен меѓу колумбиската Влада и ФАРК. 

Двете страни во септември потпишаа мировна спогодба, која беше отфрлена на референдум во октомври. Кон крајот на минатата недела беше финализирана преработената варијатна на договорот, кој има цел да се стави крај на 50-годишниот конфликт, во кој загинаа над 220 илјади лица.