Дваесетгодишник обвинет за тешки кражби
Основното јавно обвинителство Скопје поднесе обвинителен предлог против 20-годишник осомничен дека извршил продолжено кривично дело тешка кражба и едно кривично дело кражба. Како што соопшти ЈО, од 1 декември 2019 до 6 јануари 2020 година обвинетиот со умисла извршил пет временски поврзани дејствија што претставуваат повеќекратно остварување на истото дело, притоа искористувајќи исти прилики и слични околности.
-Притоа обвинетиот 20-годишник провалил во четири куќи и во еден маркет во Шуто Оризари и одзел туѓи вредни предмети: мобилен телефон, телевизор, два персиски тепиха, кутии цигари и алати. Вкупната вредност на украдените предмети се проценува на околу 180.000 денари. Кривичното дело кражба, пак, обвинетиот го сторил на 29 ноември 2019 година, кога од џебот на јакната на едно оштетено лице одзел мобилен телефон вреден 45.000 денари со намера противправно да го присвои, соопшти Обвинителството.
Надлежниот јавен обвинител му предложи на Основниот кривичен суд Скопје да ја продолжи претходно определената мерка притвор за обвинетото лице затоа што постои опасност од бегство.
-На тоа упатува фактот дека се работи за лице кое не поседува лична карта за идентификација, нема постојана адреса на живеење, а претходно е осудувано за исто кривично дело, се наведува во соопштението.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка