Дваесет години од првиот лет Скопје - Виена

Со пристигнување на авион на авиокомпанијата „Аустриан ерлајнс“ денеска на скопскиот аеродром „Александар Велики“ ќе биде одбележана 20-годишнината од првиот лет Скопје - Виена.

Одбележувањето го организираат „ТАВ Македонија“ и „Аустриан ерлајнс“, а најавено е обраќање на генералниот директор на ТАВ Македонија, Зоран Крстевски и регионалниот директор на „Аустриан ерлајнс“, Александар Толвет.