Два крвави напади врз средношколци кај Средното хемиско во Скопје
Вчера во 14.00 часот телефонски во ПС Аеродром, А.И. (51) од Куманово пријавил дека истиот ден околу 13.30 часот во Скопје на бул. „3-та Македонска Бригада“, во близина на СУГС „Марија Кири Склодовска“, неговиот 17-годишен син, додека се возел со двајца негови другари во комбе на релација Куманово-Скопје, физички бил нападнат од пет до шест непознати лица, најверојатно ученици кои патувале во истото комбе.
Најпрвин му пришло едно од лицата и, откако го прашало нешто, го удрило со тупаница во пределот на главата, по што истиот паднал. Тогаш пришле и другите лица и физички го нападнале удирајќи го со тупаници и клоци во пределот на главата и телото. Во близина на СУГС „Димитар Влахов“ малолетникот се симнал и настанот го пријавил на полициски службеници.
Од физичкиот напад лицето се здобило со повреди во пределот на главата и телото.
Во 16.30 часот, пак, во ПС Аеродром се јавил и И.Б. (45) од с.Долно Лисиче, скопско, кој пријавил дека истиот ден околу 14.00 часот во автобус на ЈСП-Скопје со бр.7 неговиот 17-годишен син заедно со неговиот другар физички биле нападнати од околу 20 непознати лица.
На автобуската постојка на бул. „3-та Македонска Бригада“, во близина на СУГС „Марија Кири Склодовска“, во автобусот се качиле околу 20 непознати лица на возраст од 14 до 18 години. Неколку од нив почнале да го влечат неговиот син и кога го истуркале надвор физички го нападнале удирајќи го со раце и нозе во пределот на телото. После тоа се свртеле кон неговиот другар и почнале да го удираат со шлаканици по задниот дел на главата, но тој успеал да избега.
Се преземаат мерки за целосно расчистување на двата случаи.
Ново на Сител
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка