Државен натпревар по прва помош на општинските организации на Црвен крст во Битола
Дваесет и осум екипи на општинските организации на Црвен крст од Северна Македонија денеска и утре во Битола, учествуваат на државен натпревар по прва помош.
Годинешното натпреварување на волонтерите членови на општинските организации на Црвениот крст се одвива под мотото „Твоето незнаење чини живот“, а победникот ќе обезбеди учество на европски натпревар.
– Ние во Црвениот крст веруваме дека првата помош ја намалува ранливоста и помага во градењето на посилни заедници. Преземањето на итни активности и примена на соодветни техники додека се чека професионална помош може во голема мерка да ги намали смртните случаеви и повредите. Првата помош не е замена за Службите за итни случаи, таа е прв и витален чекор кој обезбедува ефикасно брзо дејствување за да се намалат повреди или подобрат шансите за преживување и затоа е потребно секој од нас да знае да даде прва помош, истакна Ромео Велев, претседател на Црвен крст на Северна Македонија и додаде дека ќе се залагаат барем еден член од секое семејство во државата да биде едуциран за укажување прва помош.
Натпреварот се одвива во две траектории со по 14 екипи, односно 28 екипи кои освен за прва помош ќе бидат тестирани и за познавање од областа на дисиминација, а најдобрата екипа ќе обезбеди учество на европско првенство.
– Овој натпревар не само што ќе ни даде можност да видиме колку се подготвени и вешти волонтерите и членовите на Црвениот крст за давање прва помош, туку и ќе мотивира поголема вклученост во оваа организација на срцата, на љубовта и на подадената рака, посочи градоначалникот на Битола Наташа Петровска и им посака добредојде на натпреварувачите учесници на Државниот натпревар.
Ново на Сител
-
Во Дебар се намалува бројот на активни случаи со Ковид-19, во Инфективното одделение хоспиталзирани 13 пациенти
-
Владата донесе повеќе одлуки за именувања на директори на јавни институции и членови на управни одбори
-
Усвоен Националниот план за Ковид-19 вакцинација
-
Заврши расправата за Предлог законот за рамномерен регионален развој, ќе се гласа дополнително
-
Португалија ги претстави целите на претседателството со ЕУ, меѓу приоритетите и одобрување на преговарачката рамка за Македонија
-
Србите кои се вакцинирани, од 1 мај ќе можат непречено да влезат во Грција
-
444 нови случаи на коронавирус во земјава, починати 21 лице
-
Можно е Германија да го стопира меѓународниот воздушен сообраќај поради Ковид-19