Дрин Ахмети на распит

Внукот на Ахмети кој беше уапсен со полн џип петарди, е повикан на распит во обвинителството. Од таму за Сител велат дека Дрин Ахмети својот исказ за случајот ќе го даде во наредните денови. Во меѓувреме, се собирале и други докази. Од обвинителството појаснуваат дека се испитува потеклото и начинот на кој се набавени стотиците огномети и петарди. Се прибирале материјални и вербални докази, а по исказот на Ахмети, ќе биде донесена и јавнообвинителска одлука.

Според Кривичниот законик, поседувањето распрскувачки материи е кривично дело. Лицето кај кое ќе бидат пронајдени се соочува со парична или затворска казна од една до три години во зависност од бројот на петарди и огномети.

Внукот на Ахмети беше уапсен на 30 декември откако полицијата во неговиот автомобил пронајде 750 пиротехнички средства завиткани во црне вреќи. Тој тврдеше дека петардите и огнометите ги купил за своите внуци, а набавката била легална.