Драстично зголемен бројот на заразени со Ковид-19 во Вевчани
Бројот на заразени со КОВИД-19 во Вевчани драстично се зголемил последната недела. Директорот на здравсвениот дом „Д-р Светозар Чочороски“, Јован Стојкоски информира дека се регистрирани 75 новозаразени од кои 15-тина се лекуваат во дневната болница.
Населението во Вевчани, според него, е скоро 80 проценти вакцинирано против коронавирусот, што дава релативно лесна клиничка слика кај инфицираните.
– Само за Вевчани, каде имаме вакцинираност од преку 80 проценти, бројката на новозаразени е исклучително голема. Иако е сериозна бројката на новозаболени, клиничката слика кај пациентите е релативно лесна, во однос на претходните бранови од пандемијата, вели Стојкоски.
Тој посочи дека во Вевчани имало голем интерес и за трета доза вакцина против Ковид – 19.
– Во Вевчани досега се аплицирани околу 360 бустер дози, а вакцинираноста со две дози е околу 80 проценти, додека на ниво на Здравствен дом, кој ги покрива Велешта Лабуништа, Октиси… процентот на вакцинација е над 50 проценти. Заинтересираноста за трета доза е помала во околните места во однос на Вевчани, каде е седиштето на Здравствениот дом, додаде Стојкоски.
Во амбулантите во Лабуништа и Велешта кои се под Здравствен дом Вевчани, според директорот, состојбата е стабилна. Во овие население места, нагласи, нема голем број новозаболени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка