Македонија
3. November 2017 - 13:54

Драма во викендичка во Агино село, нападнати и ограбени двајца скопјани

Вчера околу 11.00 часот на место викано „Перево Трло“ во с.Агино Село, кумановско, пред викендица сопственост на Љ.С. (72) од Скопје, непознат сторител извршил разбојништво над Љ.С. и неговиот пријател Д.Т. (70) од Скопје.
 
Сторителот со закана со пиштол од Љ.С. одзел 330 денари и мобилен телефон, а од Д.Т. одзел 1.600 денари, мобилен телефон и прстен.
 
После тоа ги заклучил во викендицата и побегнал со патничко  возило „Фолксваген Голф“ со скопски регистарски ознаки, сопственост на зетот на Љ.С. Се преземаат мерки за пронаоѓање на лицето и за целосно расчистување на случајот.