Драма во Ниш: Сопругата ја држел како заложник, пукал од пиштол

Припадниците на жандармерискиот одред од Ниш рано утрово совладале вооружен маж кој во летната бавча на една играчница во центарот на градот како заложник ја држел својата сопруга, дознава српски Курир.

Според првичните неофицијални информации, тој истрелал едне куршум од револвер, но за среќа никој не е повреден. На самото место дошол преговарачки тим, а целата ситуација траела од синоќа, а завршила рано утрово во 1.40 часот.

Припадниците на Жандармеријата се вклучиле во решавањето на заложничката криза половина час по полноќ, а киднаперот е совладан само со шок бомба.