Фудбал
19. August 2015 - 18:35

Драконска казна за ФК Вардар од УЕФА

Дисциплинската комисија на УЕФА парично го казни фудбалскиот клуб Вардар за однесувањето на навивачите на реванш натпреварот од второто коло во Лигата на шампионите против кипарски АПОЕЛ.
 
Дисциплинците на УЕФА го казнија Вардар парично со 40.000 евра. Казната е изречена поради неспортското навивање, истакнување недозволени пароли, користење пиротехнички средства и влегување на навивачите на теренот по завршувањето на натпреварот.
 
Вардар и АПОЕЛ во реванш натпреварот од второто коло, во Скопје одиграа 1:1, а во наредната фаза се пласира кипарскиот тим поради голот постигнат во гости, бидејќи првиот меч во Никозија заврши со резултат 0:0.