Доделени наградите на СОКОМ за 2015 година
Наградата „Панче Пешев“, највисоко професионално признание кое го доделува Сојузот на композитори на Македонија - СОКОМ за 2015 година се доделува на композиторот Стојан Стојков за оперското дело „Змеова невеста“.
Делото е по либрето на авторот, на текст на Димитар Молеров, изведено на 7 февруари 2015 година со солистите и ансамблите на Македонската опера и балет под диригентство на маестро Саша Николовски - Ѓумар.
Од СОКОМ соопштија дека наградата се доделува на музички творци и музички писатели со цел да се истакнат најзначајните музички достигнувања во областа на музичкото творештво и музикологијата во текот на една година.
Наградата „Георги Божиков“ која Сојузот на композитори на Македонија – СОКОМ ја доделува на музички уметници и ансамбли за најуспешна јавна изведба на дела од македонски композитори во текот на една година, за 2015 година се доделува на диригентот Бисера Чадловска за континуирана изведба на дела од македонски композитори во 2015 година.
Наградите на добитниците ќе им бидат врачени на завршиот концерт на „Денови на македонска музика“ со Македонската филхармонија, на 14 април во концертната сала на Дом на АРМ.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација