Добро расположение и позитивен став имаат земјите членки на ЕУ по објавување на извештајот на ЕК за Македонија

Добро расположение и позитивен став имаат земјите членки на ЕУ, по објавување на извештајот на ЕК за Македонија, рече хрватскиот министер за надворешни работи Гордан Грлиќ Радман, кој е во посета на Македонија. Тој истакна и дека Хрватска како актуелен претседавач со унијата не седи со скрстени раце, туку активно работат и преговараат и со скептичните земји Франција, Холандија и Данска да се почнат преговорите со Македонија и Албанија.

Министерот за надворешни Никола Димитров, пак истакна дека Земјите членки на ЕУ оцениле дека извештајот на ЕК за Македонија е реален и ги исполнуваме условите за старт на преговори со унијата. Но и дека допрво ќе ги чуе ставовите на земјите членки кои во октомври на Македонија и Албанија не им дадоа зелено светло за датум за преговори.

Елена Милошевска