До Управниот суд сè уште нема пристигнато ниту една тужба од политичките партии

До Управниот суд на Република Македонија сè уште нема приститгнато ниту една тужба од политичките партии, иако повеќето најавија дека ќе се жалат на одлуката на Државната изборна комисија да ги одбие нивните приговори.

– До Управниот суд сè уште нема пристигнато ниту една тужба од политичка партија. Откако ќе пристигне Управниот суд во рок од 60 часа ќе закаже јавна расправа, информираат за МИА денеска од Управниот суд.

Политичките партии имаат рок од 24 часа откако ќе го примат решението од ДИК со кое се одбиваат нивните приговори за изборни нерегуларности да реагираат до Управниот суд.

Тужби до Управниот суд најавија полтичките партии ВМРО-ДПМНЕ, коалицијата Алијанса на Албанците и Алтернатива, Левица и Интегра.