ДКЦ „Карпош“ постави улични библиотеки низ Скопје
Детскиот културен центар „Карпош“ и Град Скопје денеска поставија улични библиотеки на три локации и тоа во дворот на ДКЦ „Капрош“, во Градскиот парк и во Ибни Пајко парк.
Како што информираат од ДКЦ „Карпош“, целта на библиотеките е да се направат книгите достапни за сите.
-Луѓето можат едноставно да земат книга и кога ќе ја прочитаат можат да ја вратат или пак да ја подарат на пријателите. Доколку имате книги што мислите дека другите би уживале во нивната содржина, можете да ги оставите во било која улична библиотека на посочените локации, се вели во соопштението на ДКЦ „Карпош“.
Посочуваат дека книгите се бесплатни и можат да бидат вратени или разменети за друга книга. Урбаниот дизајн, како што велат, ќе го привлече вниманието на секој читател.
-Уличните библиотеки се прозорец во умот на општеството, бидејќи книгите се оставаат и земаат никој не треба да ги проверува дали се тука или не. Да ја разбудиме свеста за книгата како најдобар другар која не води низ животот, порачуваат од Детскиот културен центар „Карпош“.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање