Дизајнер продава селотејп за 200 долари, го нуди како алтернатива за ремен

Најновата колекција за есен-зима на Раф Симонс претстави две варијанти на селотејп заедно со вообичаените додатоци и облека.

На едниот од нив се чита натписот „Walk with me", а на другата „RSYP youth project".

Модниот селотејп може да се види во рекламната кампања на брендот - токму со него се залепени на ѕидовите парчињата облеката од колекцијата за есен-зима 2017 г, пишува „Elle“.

Сепак, дизајнерот нуди уште една опција за користење на селотејпот - тој може да се носи наместо појас. Токму така го носи и актерката и модел Суки Вотерхаус. Цената на додатокот е 200 долари.