Директорот на затворот „Шутка“ вети, но не поднесе оставка

Директорот на истражниот затвор Шутка не поднесе оставка иако ја најави.. Ѓоко Котевски вети дека денеска ќе го напушти директорското место, во исто време ќе го објави извештајот и за инцидентот во кој беа нападнати поранешните министри Јанакиески и Ристовски.. Истрагата покажала пропусти во обезбедувањето на затворот па од морални причини најави оставка од функцијата..

По минатонеделниот инцидент, од Кривичниот суд велат дека Управата за извршување санцкии побарала наместо во скопскиот, притвореници да се испраќаат во кумановскиот затвор..

Засега полицијата не го истражува инцидентот  во затворот Скопје. Министерот за внатрешни го очекува извештајот од првиот човек на истражниот затвор..

Екс министрите Јанакиески и Ристовски беа нападнати во Шутка во четвртокот попладне.. Според дел од медиумите, зад физичката пресметка стоеле обвинети во случајот Диво Насеље..