Директорката на Кумановската болница по смртта на хирургот: На хирургија нема ниту еден позитивен вработен
Кумановскиот хирург д-р Драган Тасевски почина како последица на коронавирусот, потврдија денеска од Општата болница во Куманово.
Од Центарот за јаво здравје информираа дека тој пред десетина дена бил евидентиран како позитивен на коронавирус. Се лекувал најнапред на Инфективната клиника, а потоа и во приватна здравствена установа.
Директорката на Кумановската болница Снежана Захариева изразувајќи сочувство до семејството на хирургот Тасевски, истакна дека ова е трагедија и дека и тие се се уште во шок.
– Со симптоми на сериозна бронхопневмонија е упатен на лекување на Инфективна клиника. Од пред неколку дена беше во болницата Систина и ние се надевавме дека ќе ја добие битката. Вчера добив информација дека е во исклучително тешка состојба, но се надевавме дека ќе се извлече. За жал, загубивме колега, изразувам сочувство до семејството. Шок и трагедија е ова што се случи, изјави Захариева.
Таа вели дека болницата е голема институција со околу 700 вработени, сите имаат контакти и семејства, дека имало позитивни во минатото, а вели ќе има и во наредниот период до крајот на пандемијата поради природата на работата.
– На хирургија нема ниту еден позитивен вработен, додава Захариева.
Доктор Тасевски работеше во кумановската болница повеќе од триесетина години.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп